Jakin ezazue, Umeen Eguna abuztuaren 28an izango da; eta Nerabeen eguna berriz, abuztuaren 29an. Hori horrela, Atxutxiamaikak bi egun horietarako hainbat ekimen kudeatuko ditu. Horietako bat, kamiseten irudi-lehiaketa izango da. Lanak aurkezteko azken eguna ekainaren 11a izango da, eta ondorengoak dira kontuan izan beharrekoak:
- Elgoibarren eskolaratutako LHko haurrek eta DBHko nerabeek aurkeztu dezakete irudia.
- Haurren kasuan, Umeen Eguna irudikatzen duen lana izan behar du. Eta nerabeen kasuan, gauza bera, irudiek Nerabeen Eguna irudikatu behar dute.
- Irudiak “trazua” bakarrik izan dezake; betegarririk gabe.
- Irudia helbide honetara bidali edo aurkeztu beharko da: aisia@elgoibarkoizarra.eus/ Aita Agirre Kulturgunea 3, 3 ezkerra.
- Irudiarekin batera, sobre txiki batean, izen-abizenak eta harremanetarako telefono zenbakia idatzita ekarri beharko da. Ez idatzi lanean bertan ez izenik, ez kontakturako helbiderik, ez telefono zenbakirik ere.
Bestalde, laster umeei eta nerabeei galdetegi bat bidaliko zaie; jaietako beren egunetako bazkarian izena eman nahi duten eta kamiseta jaso nahi duten galdetzen e.a.