Elgoibarko Udalak eta Elgoibarko Izarra elkarteak ´Euskararen Osasuna Osakidetzan´ izeneko solasaldia antolatu dute Osakidetzaren, Gipuzkoako Foru Aldundiaren eta Eusko Jaurlaritzaren babesarekin.
Ekitaldia apirilaren 1ean, asteartea, izango da, 18:30etik aurrera, Aita Agirre kulturguneko areto nagusian, eta bertan izango dira Garbiñe Garai, Euskararen normalkuntzarako teknikaria Debabarreneko ESIn (Osakidetza), eta Ana Bereziartua, Elgoibarko anbulatorioko erizaina.
Garaik eta Bereziartuak, besteak beste, honako gai hauek aletuko dituzte: Osakidetzako euskara plana, Mendaroko ospitaleko eta Elgoibarko anbulatorioko egoera, orain arte izandako lorpenak eta hobetu beharrekoak, euskara plana errealitatean gauzatzeko dauden oztopoak eta euskarazko zerbitzua jaso nahi duten herritarrek bizi dituzten trabak.
