Gaur goizean ospatu da Elgoibarko udaletxean urteko ohiko Pleno Txikia, eta bertan parte hartu dute herriko ikastetxeetako haurrek. Ikasturtean zehar 2030 Agendaren barruan 12. Garapen Jasangarrirako Helburua (ODS 12: Ekoizpen eta Kontsumo Arduratsua) landu dute, eta horren harira, udal gobernuari hainbat proposamen helarazi dizkiote.
Haurren lanak ingurumenarekiko errespetua, baliabideen erabilera arduratsua eta herriko jasangarritasuna hobetzeko ideiak bildu ditu. Umeek euren ikuspegitik adierazi dute zein hobekuntza egin daitezkeen Elgoibarren eta zein neurri hartu daitezkeen bizimodu iraunkorrago baterantz joateko.
Elgoibarko Udala eskerrak eman nahi dizkie haur guztiei eta ikastetxeei urte osoan egindako lanagatik eta urtero Pleno Txikia antolatzea posible egiten dutelako. Gobernu taldeak jasotako proposamenak baloratuko ditu eta, ahal den neurrian, Elgoibar hobeago bat eraikitzeko lanean kontuan hartuko ditu.
