Elgoibarko Udalak jakinarazi nahi du uztailaren 1etik aurrera agenda kulturala ez dela etxe guztietara paperean bidaliko, urtez urte egin izan den moduan. Hemendik aurrera, formato digitalean eskuragarri izango da, eta hala nahi dutenek formatu fisikoan jaso ahal izango dute hiru gune hauetan:
- HAZ (Herritarren Arreta Zerbitzua)
- Aita Agirre kulturgunea
- Jubilatuen Biltokia
Neurri hau hartzeko arrazoi nagusiak bi dira: ingurumen-inpaktua murriztea eta herritarren kontsumo-ohitura berrietara egokitzea. Azken urteetan gero eta jende gehiagok kontsultatzen du agenda mugikorretik edo ordenagailutik, eta horrek bultzatu du Udal Kultur Sailak aldaketa hau egitea.
Horrela, papera aurreztu eta baliabide publikoen erabilera arduratsuagoa egitea lortu nahi da, jasangarritasuna helburu hartuta.
Eskerrak eman nahi dizkie Udalak herritarrei egokitzeko prestutasunagatik eta kultura eskaintzarekiko erakusten duten interesa.