Elgoibarko Udalak, Alcorta Forging Group enpresa bisitatzeko aukera izan du gaur goizean, Gipuzkoako Foru Aldundiko Garapen Ekonomikoko diputatuarekin batera. Bisitaldi honetan, enpresa hau gertutik ezagutu eta bertako jarduera industriala lehen eskutik Ikusteko aukera izan dute Unai Andueza, Ekonomia Sustapeneko eta Proiektu Estrategikoetako Foru Diputatuak eta Maialen Gurrutxaga, Elgoibarko alkateak.
Topaketaren helburua erakundeen arteko lankidetza indartzea eta gure enpresa-sareari entzuteko espazio bat eskaintzea izan da. Elkarrizketa irekian, enpresako ordezkariek euren eguneroko erronkak eta etorkizunari begira dituzten helburuak partekatu dituzte.
Parte-hartzaileen ustez, lurraldeko garapen ekonomikoa modu koordinatuan sustatzeko, funtsezkoa da industria-sarearen egoera erreala gertutik ezagutzea eta enpresa pribatuen eta erakunde publikoen arteko elkarlana sendotzea. Etorkizuneko erronkei aurre egiteko, elkarlan estua, entzute aktiboa eta helburu partekatuak izatea izango dira gako nagusiak.