Elgoibarko Udalak jakinarazi nahi du Artekale kalean eraikitako igogailu berria datorren asteartean, eguerdian, herritarren erabilerako prest egongo dela. Instalazio berri honek herritarren eguneroko joan-etorriak erraztuko ditu, irisgarritasun arazoei irtenbidea emanez.
2024ko maiatzaren 27an, Elgoibarko Udalak Artekale kalean igogailu berri bat eraikitzeko lanak hasi zituen, 247.901,63 euroko aurrekontuarekin (BEZ gabe). Proiektu honen helburua herritarren irisgarritasuna eta konektibitatea hobetzea da, Aita Agirre plazara sarbidea erraztuz eta Bernardo Ezenarro eta Artekale kaleen arteko lotura hobetuz. Arkhiru estudio lokalak diseinatutako igogailuak hormigoizko eta beirazko egitura handi bat du, argitasuna emanez eta Artekaleko plazaren ikuspegi panoramikoa eskainiz.
Igogailuaren eraikuntza lanak maiatzaren 27an hasi ziren, eta azken egunotan azken lanak amaitzen ari dira. Gaurtik astelehenera bitartean garbiketa lanak egingo dira, eta igogailua martxan jartzeko beharrezko prestaketa guztiak burutuko dira. Dena den, lorezaintza lan batzuk oraindik egin gabe daude, baina datozen egunetan gauzatuko dira.