Elgoibarko Udal Ludotekak eta Atxutxiamaikak, udalarekin lankidetzan 2025eko udarako udaleku eskaintza aurkeztu dute, haur eta gaztetxoei zuzendutako aisialdi-programa zabala eskainiz. Udalekuak ekainaren 20tik uztailaren 18ra bitartean burutuko dira, eta adin-tarte desberdinetako haur eta gaztetxoek parte hartzeko aukera izango dute. Bestalde, Atxutxiamaikak aparte ordainduz ematen duen zerbitzua uztailaren 24ra arte izango da.
Izena emateko epea martxoaren 21etik apirilaren 13ra arte egongo da zabalik, aurrez aurre edota online galdetegia bidez eman daiteke izena Elgoibarko izarran edo Udal Ludotekan. Plazak apirilaren 22an esleituko dira eta mugatuak dira.
Honako hau da Ludotekatik egongo den eskaintza:
Ludotekako Udaleku Irekiak
LH1, LH2 eta LH3
- Datak: Ekainaren 23tik uztailaren 18ra.
- Ordutegia: 10:00-13:00 (Ostegunetan 10:00-16:00).
- Zaintza zerbitzua: 08:30-10:00.
- Kuota: 100€ (zaintza zerbitzua: 40€).
- Astean behin: tailerrak, hondartzara irteera, Mintxetako igerilekura irteera, egun pasa eta sukaldaritza tailerra.
LH4
- Datak: Ekainaren 30etik uztailaren 4ra.
- Ordutegia: Astelehena, asteazkena eta ostirala 10:00-14:00. Asteartea eta osteguna 10:00-16:00.
- Kuota: 60€.
- Egitaraua: tailerrak, erronka jolasak eta egun pasak.
LH5
- Datak: Uztailaren 7tik 11ra.
- Ordutegia: Astelehena, asteazkena eta ostirala 10:00-14:00. Asteartea eta osteguna 10:00-16:00.
- Kuota: 60€.
Udaleku Itxia – Orion
LH6
- Egonaldia Orion: Ekainaren 20, 21 eta 22.
- Irteera: Ekainaren 20an, 16:00etan Ludotekatik.
- Itzulera: Ekainaren 22an, 16:00etan Ludotekara.
- Kuota: 60€.
- Egitaraua: hondartza, igerilekua, talde ekintzak, gaubela eta festa.
Bestalde, Atxutxiamaikaren eskaintza honako hau da:
Ohiko Eskaintza – Txokoak (HH2-HH5)
- Txandak:
o 1. txanda: ekainak 23 - uztailak 4.
o 2. txanda: uztailak 7 - 18.
o Bi txandak: ekainak 23 - uztailak 18.
- Ordutegia: 9:30-13:00 (*HH2-HH3ko haurren familiek malgutasuna izango dute 9:30- 10:00 / 12:30-13:00 artean).
Atxutxiamaikaren Zerbitzu Berezia
- Goiz Txokoa: 8:30 - 9:30 (ekainak 23 - uztailak 18).
- Uztailako Txokoak: 9:00 - 13:00 (uztailak 21-24).
DIRU-LAGUNTZAK ETA INFORMAZIOA
Diru-laguntzak eskatzeko epea martxoaren 21etik apirilaren 30ra arte egongo da zabalik. Informazioa Udalean eskuratu ahal izango da, baita Ludotekan bertan ere (15:00-16:30 ordutegian).