- Elgoibarko Udalak bat egin du “NIK patrika digitala” aplikazioarekin, Olaizaga kiroldegian eta Mintxetako igerilekuan eta muskulazio gelan telefono mugikorraren bitartez sartu ahal izateko
Zer da NIK Patrika digitala?
Eusko Jaurlaritzak garatutako aplikazioa da, herritarrekin datuak modu seguruan trukatzen dituena. Datuak gailuan daude enkriptatuta, eta pertsonari buruzko informazio espezifikoa ematen duten egiaztapen-agiriak dira, fisikoki (plastikozko txartelak) zein digitalki aurkeztu daitezkeenak, adibidez: osasun-txartela, gazte-txartela, kiroldegiko txartela, e.a.
Elgoibarren non erabil daiteke?
Elgoibarko Udal Kirol Patronatuko abonatuek NIK Patrika digitala aplikazioarekin Olaizaga kiroldegian eta Mintxetako udako igerilekuetan eta muskulazio gelan sartzeko txartela telefono mugikorrean eraman ahal izango dute. Padel eta tenis pistak erreserbatzeko aukera ere eskaintzen du.
Gotzon Garate Udal liburutegiko bazkideek ere liburuak maileguan hartzeko NIK Patrika digitala erabiltzeko aukera dute.
Horretarako Udal Kirol Patronatuko edo Udal Liburutegiko abonatuek euren txartela aplikazioan deskargatu nahi badute BakQ identifikazio elektronikoko sistema eduki beharko dute (Herritarren Arreta Zerbitzuan, HAZ-en, doan lortu daiteke, email helbidea eta telefono zenbakia aurkeztuz).
Aplikazio mugikorra Eusko Jaurlaritzak garatu du eta erabilgarritasun handia du dokumentuak telefono mugikorrean gorde eta beharrezkoa denean in situ eta modu telematikoan aurkezteko aukera ematen baitio.
Beste erabilera batzuk ditu?
Une honetan NIK-ek Osakidetzaren txartela, Euskadiko Liburutegi Publikoen Sareko txartelak, Familia Ugariko Txartela, Gazte Txartela eta zenbait udal kiroldegitako txartelak hartzen ditu, besteak beste Elgoibarkoak.
Gipuzkoan, Donostia, Legazpia eta Elgoibar dira NIK Patrika Digitala martxan jarri dituzten udalerriak eta Bizkaian, Bilbo, Lemoa, Abadiño eta Zalla.