Elgoibarko Udalak herritarren informazioa hobetzeko helburuarekin Lurraldebuseko informazio panel berriak instalatu ditu, bus paraden ondoan, herriko hainbat gunetan. Goki Erreformak enpresak burutu ditu lanak, Gertek mantenu-enpresak jarrita, eta guztira 13.162,38 euroko inbertsioa egin da.
Instalatutako panelak honako kokaleku hauetan aurki daitezke:
- Sigma Estarta auzoa
- Olaso hilerria
- Txankakua
- Guass
- Mupen
Hiritarrei informazioa modu argi eta irisgarrian eskaintzea du helburu egitasmo honek, eta kokapen horiek herritarrentzako interes handiko guneak direla kontuan hartuta hautatu dira. Gainera, Mupen eta Guass guneetan panelak instalatzeko zakarrontzi batzuk lekuz aldatu dira.
Elgoibarko Udalak herritarren parte-hartzea eta informazioa sustatzeko konpromisoarekin jarraitzen du, eta egitasmo hau horren erakusgarri da. Panelen bidez, informazioa errazago eskuratu ahal izango da, udalerriko baliabide eta zerbitzuen inguruan.