Eusko Jaurlaritzak bultzatutako "Kerik gabeko guneak" programarekin bat egin du Elgoibarrek, ingurune osasungarriagoak eta tabakorik gabekoak sustatzeko. Informazio guztia eta kartelak jarri diren lehen instalazioa Olaizagako kiroldegia izan da. Era berean, Mintxetako eta IMHko kirol-instalazioak informazio-panel horiek jartzen amaitzen ari dira.
Neurri hau konpromiso zabalago baten parte da, herritar guztientzat osasungarriagoak diren espazio publikoak sortzeko. Aurreikuspenen arabera, datozen hilabeteetan horrelako informazio-kartelak jarriko dira udal-eraikinetan, eta, horrela, Elgoibarko erabilera publikoko espazio guztiak kanpaina honetara egokituko direla bermatuko da.
Elgoibarko Udalak bizi-ohitura osasungarriak sustatzeko eta espazio publikoetan airearen kalitatea hobetzen laguntzeko egiten dituen ahaleginen artean dago ekimena.
Elgoibarko Udaletik herritar guztiak gonbidatu nahi ditugu araudi hau betetzen laguntzera, guztiontzako ingurune osasuntsuago bat sortzen jarraitzeko.
