Eguneko Arreta Zerbitzua, Bizitzen Fundazioak kudeatua, iazko amaieran esleitu zen, eta dagoeneko 18 pertsona ari dira bertan parte hartzen. Horrez gain, 5 lagun daude itxaron zerrendan. Zerbitzu hau udalerriko adinekoen autonomia eta bizi-kalitatea hobetzeko helburuarekin eskaintzen da.
Zerbitzua astelehen, asteazken eta ostiraletan eskaintzen da Jubilatuen Biltokiko erabilera anitzeko gelan, goizeko 10:00etatik 13:00etara. Bi profesional arduratzen dira saio horiez, eta bertan estimulazio kognitiboa eta mendekotasuna atzeratzeko terapiak lantzen dira.
Zerbitzua adineko pertsona autonomoentzat edo mendekotasun maila arina dutenentzat pentsatua dago, eta horien senideei ere atseden eta laguntza eskaintzen die. Gizarte zerbitzuetatik egiten dira eskaerak eta Gizarte Zerbitzuen baliabide-sarearen baitan kokatzen da.
Zerbitzuaren balorazioa oso ona izan da, eta eskaintza hobetzeko eta erabiltzaileen beharretara egokitzeko asmoz, zerbitzuaren eta egungo eskariaren jarraipen zehatza egiten ari gara