Guraso talde zabal bat izan da TREBA Gurasoak programaren baitan (https://www.gipuzkoa.eus/eu/web/gazteria/treba/gurasoak), Udaleko Gazteria eta Hezkuntza sailetik Kultur Etxeko hitzaldi gelan antolatu den “gure emozioak kudeatzen seme-alaben bidelagun izateko” hitzaldian.
Hitzaldia Miren Ros Aiartzaguenak eman du eta nerabeen gurasoekin hauen emozioez aritu da, seme-alaben bidelagun izateko estrategia eta bitartekoak lantzen.
Gaztelekuko hezitzaile bat ere bertan izan da arloko teknikaria eta zinegotzi arduradunarekin, sailetik nerabeekin egiten de esku-hartzearen kontu emateko.
Miren, “Bidelagun” proiektuaren sortzailea eta familien hezitzailea da haur eta gaztetxoen hazkuntza eta heziketa-gaietarako.
Baita, komunikazio eraginkorrean, pedagogia sistemikoan, galera eta doluan, emozioen kudeaketan eta teknologiaren erabileran aditua ere.
TREBA Gurasoak-en aurtengo eskaintza, epe ertainean, baina oraindik data zehaztu gabe dagoen hitzaldiarekin osatuko da.
Hitzaldi hau “seme-alaben autoestimua elikatzen” izenburupean emango da eta Nerea Mendizabalek emango du. Haurren gurasoei zuzenduta egongo da.
Hau ere doakoa izango da eta izena ematea eskatuko da.