Trikiti doinuek hartu zituzten martxoaren 11n Elgoibarko kaleak. Belaunaldi askotariko emakumez osatutako soinujole eta panderojole taldeak gidatuta, ekimenarekin bat egin zuten herritarrak Herriko Antzokira hurbildu ziren kalejiran.
Gure Mauriziak! ospakizun ekitaldia izan zen Herriko Antzokian, alde batetik, gure herriko Mauriziak omentzeko, eta bestetik, Maurizia Aldeiturriaga, lehen emakume panderojolearen lanari buruzko Aire! dokumentala ikusteko.
Elgoibarko Maurizien bila aritu ondoren, lau aurkitu ditugu gurean: Pantxika Zubizarreta Gurrutxaga (1888-1964), Juliana Esnaola Arakistain (1892-1974), Martzelina Zubizarreta Gurrutxaga (1892-1991) eta Juliana Zubizarreta Gurrutxaga (1910-2006). Horien ondorengoek jaso zuten aitortza antzokiko eszenatokian. Trikitia, kantua eta dantza uztartu zituen ekitaldiaren ostean, Aire! dokumentala ikusteko aukera izan zuten bertaratuek
Elgoibarko Izarrak, Elgoibarko Udalak, Inazio Bereziartua Dantza eta Musika Eskolak, Ongarri zine-klubak, Haritz Euskal Dantzari Taldeak eta Badihardugu elkarteak antolatutako ekimen honen bideo laburra ikusgai dago jada. Hemen lotura:
GURE MAURIZIAK!, osorik